Beltera Holding kompaniyalar guruhi rahbariyat tarkibidagi rejalashtirilgan kadrlar o‘zgarishlari haqida ma’lum qiladi. 2026-yil 1-apreldan boshlab Po’lat Abduqodirov ALL-P Group Uzbekistan kompaniyasining Bosh direktori lavozimiga rasman tayinlandi. Avval, Po’lat kompaniyada loyiha menejeri lavozimida faoliyat yuritib, muhim loyihalarni muvaffaqiyatli boshqargan hamda kompaniya biznesining rivojlanishiga salmoqli hissa qo‘shgan.

ALL-P Group ishlab chiqarish, turar joy va tijorat majmualari uchun yuqori texnologik sanoat pollarini o’rnatish sohasida tan olingan ekspert va bozor yetakchilaridan biri hisoblanadi.

Rahbariyat tarkibidagi ushbu yangilanish xoldingning umumiy strategiyasi doirasida biznesni yanada kengaytirish, hamkorlik tarmog‘ini rivojlantirish va korxonaning operatsion samaradorligini oshirishga qaratilgan muhim strategik qadamdir.

Hozirgi vaqtda kompaniya o‘z faoliyatini odatdagi tartibda davom ettirmoqda, amaldagi loyihalar bo‘yicha barcha majburiyatlarning uzluksiz bajarilishini ta’minlab, yangi biznes maqsadlariga erishishga e’tibor qaratmoqda.